1ዐኛው ዓለም አቀፍ አውደ ጥናት በደማቅ የፋሽን ትርዒት ተጠናቀቀ

10ኛ ጊዜ በጥጥ፤ጨርቃጨርቅ እና አልባሳት የእሴት ስንሰለት በአፍሪካ በሚል ርዕስ ጉዳይ ዓለም አቀፍ አውደ ጥናት በኢትዮጰያ ቴክስታይልና ፋሽን ቴክኖሎጅ ኢንስቲትዪት አዘጋጅነት በባህርዳር ዩኒቨርሲቲ ጥበብ አዳራሽ ሲካሄድ ቆይቶ በሠላም ግቢ ፋሽን አዳራሽ በደማቅ የፋሽን ትርዒት ተጠናቀቀ፡፡

በአውደ ጥናቱ መጠናቀቂያ ላይ ንግግር ያደረጉት የገበያና አካባቢያዊ ትስስር ሚኒስተር/ Ministry of trade and Reginal integration/ ተወካይ የሆነት አቶ/ፃድቅ ጣሰው የጨርቃጨርቅ ዘርፍ በአፍሪካ አሁን ላይ ተሰፋ ሰጭ ምልክቶች እያሳ የመሆኑን ገልጸው አፍሪካ ከፍተኛ የጥጥ ምርት የሚገኝባትለም መሬት እና ርካሽ ጉልበት የሚገኝበት አህጉር መሆኗን አስታውሰዋል፡፡

በመሆኑም መንግስታችን እንዲስትሪው እንዲያድግ ከባህርዳር ዩኒቨርሲቲ አጋር ድርጅቶች ጋር በመተባበር እየሰራ እንደሚገኝ ገልጸው በተለይም የኢትዮጵያ ቴክስታይልና ፋሽን ቴክኖሎጂ ኢንስቲትዩት የኢንድስትሪ ልማት ግባችንን ለማሳካት በሚደረገው ጥረት እያሳየ ያለው አስተዋፅኦ ከፍተኛ መሆኑን የገለጹ ሲሆን ሚኒስትር መስሪያቤቱም በዘርፉ ያለውን የገበያ ትስስር ችግር ተቀርፎ ተገቢ የሆነ የግብይት ስርዓት እንዲኖር ይሰራል ብለዋል፡፡

የኢትዩጵያ ቴክስታይልና ፋሽን ቴክኖሎጂ ኢንስቲቲዩት ሳይንቲፊክዳ ይሬክተር/ር ታምራት ተስፋየ በአውደ ጥናቱ የምርምር ስራ ላቀረቡና ተሳታፊዎች ምስጋና ካቀረቡ በኃላ በአውደ ጥናቱ ለዘርፉ እድገት የሚያግዙ ግብዓቶች የተገኙ መሆኑን ገልጸው ተቋሙ አውደ ጥናቱን የጀመረው በትምህርት ክፍል እያለ መሆኑን አስታውሰዋል፡፡

በሌላበኩል የአውደ ጥናቱ አንድ አካል የሆነው የፋሽን ትርኢት በአውደ ጥናቱ መጠናቀቂያ ላይ የታየ ሲሆን የፋሽን ትርኢቱን በንግግር የከፈቱት የባህርዳር ዩኒቨርስቲ የኢንፎርሜሽን ስትራቴጅክ ኮሙዩኒኬሽን /ኘሬዘዳንት የሆኑት/ር ዘውድ እምሩ የእንኳን ደህና መጣችሁ መልእክት ካስተላለፉ በኃላ የፋሽን እንዲስትሪው ከሌሎች የጥበብ መስኮች ጋር ለሀገር እድገት እኩል ዋጋ ያለው ዘርፍ መሆኑን የገለጹ ሲሆን ኢትዮጵያ በዘርፉ ተወዳዳሪ ሁና ለመውጣት በሙያው የሰለጠኑ ባለሙያዎች/ሞዴሎች/ ያስፈልጓታል ብለዋል፡፡ በመጨረሻም የኢትዩጵያ ቴክስታይልና ፋሽን ቴክኖሎጂ ኢንስቲቲዩት ሳይንቲፊክ ዳይሬክተር/ር ታምራት ተስፋየ ይህ የፋሽን ትርኢት በተቋሙ መምህራንና ተማሪዎች የተዘጋጀ መሆኑና በርካታ ጊዜያትን ወስዶ ለዚህ በመብቃቱ ትል ቅኩራት እንደተሰማቸው ገልጸዋል፡፡

Share