EiTEX ከመረሀ ትራንዚት ኃ/የተ/የግ/ማህበር ጋርሜንት ፋብሪካ ጋር የአጋርዮሽ የመግባቢያ ሠነድ ተፈራረመ

የኢትዮጵያ ቴክስታይል እና ፋሽን ቴክኖሎጂ ኢንስቲትዩት ከመረሀ ትራንዚት ኃ/የተ/የግ/ማህበር ጋርሜንት ፋብሪካ ጋር የአጋርዮሽ የመግባቢያ ሠነድ ተፈራረሙ፡፡

ሁለቱ ተቋማት በጋራ ለመስራትና በሀገራችን እያደገ ያለውን የጋርሜንት ኢንደስትሪ በእውቀት እና በቴክኖሎጂ ለመስራትና የተሻለ ዉጤት በማምጣት የማህበረሰቡን ተጠቃሚነት ማሳደግ የሚያስችል የአጋርዮሽ ሥራዎችን ለመስራት የስምምነት ውል ተፈራርመዋል፡፡

በስምምነቱ ፊርማ ወቅት እንደተገለፀው በEiTEX በኩል ፋብሪካውን ለማገዝ የተጠቀሱ ተግባሮች፡ ሚመረቱ ምርቶች የቴክኖሎጂ ማሻሻያና ሽግግር ማድረግ ፤ የገበያ ትስስር እንዲኖር ከሚመለከታችው ባለድርሻ አካላት ጋር በጋር እንዲሰሩ ሁኔታዎችን በማመቻቸት ማገዝ ፤ አጫጭር ስልጠናዎችን ፤ የእውቀትና የክህሎት ማሳደጊያ መርሀ ግብሮችን በጋራ ማዘጋጀት ፤ በአሰራር ላይ ሊያጋጥሙ የሚችሉ ችግሮችን ለመፍታት በጋራ መስራት እና የምክር አገልግሎት መስጠት ዋና ዋና ተግባሮች እንደሆኑ በኢንስቲትዩቱ በኩል የተገለፀ ሲሆን፤

በመረሀ ትራንዚት ኃ/የተ/የግ/ማህበር ጋርሜንት ፋብሪካ በኩል ከEiTEX ጋር በጋራ ለመስራት የተጠቀሱት ተግባሮች፡ ችግር ፈች የሆኑ ጥናትና ምርምር እንዲሰሩ ፈጠራዎችና የቴክኖሎጂ ሽግግሮችን ለማህበረሰቡ ለማድረስና ለማስተዋወቅ በጋራ መስራት፤ተማሪዎች ለተግባር ልምምድ በሚወጡ ወቅት ፋብሪካው መቀበል በሚቸለው መጠን ተቀብሎ የተግባር ልምምዳቸውን እንዲያጠናቅቁ ማገዝ ፤የEiTEX ተመራቂ ተማሪዎች ቅጥርና የስራ ዕድል እንዲያድግ የበኩሉን አስተዋፅኦ ማድረግ ዋና ዋና ተግባሮች እንደሆኑ በስምምነቱ ወቅት ገለፃ ተደርጓል፡፡

Share