የሳይንስና ከፍተኛ ትምህርት ሚኒስቴር ቡድን በባሕር ዳር ዩኒቨርሲቲ የኢትዮጵያ ቴክስታይልና ፋሽን ቴክኖሎጂ ኢንስቲትዩት ሥራ እንቅስቃሴ ጎብኝቷል፡፡

በባሕርዳርዩኒቨርሲቲ  የኢትዮጵያ ቴክስታይልና ፋሽን ቴክኖሎጂ ኢንስቲትዩት  በዘርፉ  በአፍሪካ  ከሚገኙት  ከመሰል ተቋማት በትምህርት፣በምርምርና ማህበረሰብ  አገልግሎት  ልቆ  ከሶስቱ አንዱ ለመሆን  ራዕይ  አስቀምጦ  ባለፉት ዓመታት  ለራዕዩ  እውን  መሆን ሲሰራቸው  የቆያቸውን  የህንፃ ግንባታዎች ለሳይንስና ከፍተኛ ትምህርት  ሚኒስቴር  ሚኒስቴር / ሂሩት /ማሪያም፣የሳይንስና  ከፍተኛ ትምህርት ሚኒስቴር ዴኤታ / አፈወርቅ  ካሱ  እና  / ሳሙኤል ክፍሌ  የተቋሙን ሥራ  በባሕርዳር ዩኒቨርሲቲ  ፕሬዝዳን / ፍሬው ተገኘ፣በኢትዮጵያ  ቴክስታይልና  ፋሽን ቴክኖሎጂ ኢንስቲትዩት  ሳይንቲፊክ ዳይሬክተር /  አበራ  ከጪ እና ማኔጅንግ ዳይሬክተር አቶ  ሽመልስ  አዱኛ  ገለፃ  ተደርጎላቸዋል፡፡በጉብኝታቸውም  በተቋሙ ዉስጥ  የሚገኙትን የማስተማሪያ እና የማምረቻ ፋብሪካ  ህንፃዎች፣የፋሽን አዳራሽ፣የቆዳ  ምህንድስና  ላብራቶሪና  አጠቃላይ  የሰላም  ካምፓስ  ግቢ ሁኔታ ጎብኝተዋል፡፡

የኢትዮጵያ ቴክስታይልና ፋሽን ቴክኖሎጂ ኢንስቲትዩት በማማር ማስተማሩ ልቆ ለመውጣትና በአገር አቀፍ ደረጃ የሚጠበቅበትን አገራዊ ተልእኮ ለመወጣት ይችል ዘንድ ከፍተኛ መዋለ ነዋይ ከመንግስት በማስፈቀድ ወደ ተግባር በመግባት የግንባታ ስራዎች አከናዉኗል፡፡ ከዚህም ውስጥ የማምረቻ እና የማስተማሪያ አገልግሎት የሚውል ፋብሪካ ዋናው ሲሆን፤ ይህ በአገራችን ኢንዱስትሪ ሞዴል የሚይዛቸው የፈትል፣ የሽመና፣ የሹራብ፣ የማጠናቀቂያ/ፊኒሺንግ፣ አጠቃላይ ኢንተግሬትድ፣ እስቶር፣ መካኒካል ወርክ ሾፕ እና ገራጅ የያዘ ነው፡፡ ይህን የፋብሪካ ፕሮጀክት በተሟላ እና በታሰበው መልኩ ወደ ስራ ለማስገባት ይቻል ዘንድ የምርት አይነት፣ የሚመረጡ ማሽኖች፣ የማሽኖች አቀማመጥ፣ የሚመረተው መጠን፣ አስፈላጊ ግብአቶች እና ደጋፊ /ዩቲሊቲ/ ማሽኖች በማጥናትና ዝርዝር የግዥ እስፔሲፊኬሽን የማዘጋጀት ሥራ መጠናቀቁን ለቡድኑ ተገልጾላቸዋል፡፡
ከጉብኝቱ በኋላ የሳይንስና ከፍተኛ ትምህርት ሚኒስቴር ሚኒስቴር / ሂሩት /ማሪያም ለዚህ ኢንዱስትሪ ሞዴል ማሽኖች እንዲሟሉለት እና የታሰበው ግብ እንዲሳካ መድረክ በማዘጋጀት ከተለያዩ ባለድርሻ አካላት ጋር ምክክር እንደምታመቻችልን ቃል ገብተዋል፡፡ በመጨረሻም ልኡካን ቡድኑ በተቋሙ ፋሽን አዳራሽ ዙሪያ ችግኝ በመትከል አሻራቸውን አኑረዋል፡፡

     

Share